1. |
BWL
04:44
|
|||
|
Am letschte Friitig han ech es schiiss Erläbnis gha
Ech han zuefällig im Usgang de Müller Reto troffe
met dem ben ech damals a de Kanti gsi o je
ond jetzt gsehn ech dä weder ond mer send ned emol so bsoffe
ond ech ha ne natürlech gfrogt "Hey, Reto, was machsch du so,
chomm verzell emol, wie gohd's em Läbe?" und denn hed är verzellt, dass är jetzt äbe
BWL studiert hed ond gli fertig esch
ond wo nech ne denoch gfrogt ha, hed er gseit, es macht kei Spass,
er mag de Scheiss nömm gseh ond er freu sech scho, wenn er i de Sommerferie met sinere Fröndin
zwöi Woche uf Kreta cha und mol eifach a de Sonne ligge
ond mol ned muss rächne ond ned muss BWL mache oder ond so wiiter ond so fort
und är hed Allgemein en erschöpfte Iidrock gmacht
Ond das han ech ned verstande ond ech ha ne gfrogt „Wieso?
Werom so vell vo dinre guete Energie verbrönne?“
Ond denn hed är mech agluegt, als wär ech de letschti Depp
ond hed gmeit "ech wott doch spöter, minere Familie mol öppis biete chönne."
Oh, ech wönscht scho jetzt, ech hätti BWL studiert
ech gseh mini Familie schon i de Zuekonft stoh
Die stönd ganz enttüscht uf em Zältplätz im Tessin
säged "Papi, werom chömmer ned, wo's schön esch äne goh?"
Oh, ech wönscht scho jetzt, ech hätti BWL studiert
ech gseh mini Familie schon i de Zuekonft stoh
Die stönd ganz enttüscht a de Maggia irgendwo
ond säged "Papi, hör uf staue - mer wend öppis tüürers ha!"
Jo ganz im ärnscht, wenn mir mol beidi Vätre sind
denn isch är immer on the go und scheffled Chole wie de Wind
und das döf mer au mol so säge, dä verdient de paar Tuusig Franke meh als ich
Dä wird rich oder uf jede Fall richer als ich
ond während är s'ganze Wochenänd in Hongkong amne Kongräss esch
boued mer ergend en müedi Baumhötte ond gänd em Hornbach för en neue Akkuschruuber
sebezg Franken us oder so und während dem macht's bi ehm uf em Konto di ganz Ziit
Bling Bling Bling Bling...
ond mer hocked Dehei ond speled Backgammon i de Chochi
Mann, ich stecken i de Krise, so nes chlises Kapital
wie för mech i de Stärne hangt, chasch grad so guet verbrönne
Ech cha nömme schlofe, ech ghör immer nor dä Satz
"Ech wott doch spöter minere Familie mol öppis biete chönne!"
Oh, ech wönscht scho jetzt, ech hätti BWL studiert
ech gseh mini Familie schon i de Zuekonft stoh
Die stönd ganz enttüscht uf em Zältplätz im Tessin
säged "Papi, werom chömmer ned, wo's schön esch äne goh?"
Mer wärded üs nie öppis Grosses chönne leischte
vilecht einisch es Abentür in Schweden oder so
aber wenn mini Famliy vor tüüre Gschäfter stoht
und mich nömm aluegt, denn frog ech mech
"wie ben ich do änecho?"
Oh, ech wönscht scho jetzt, ech hätti BWL studiert
Ech gseh mer mini Family scho s'Guetzlibläch wägschloh
Die stönd ganz enttüscht i de Winterjagge det mit
"Werom chömmer öber d'Fäschttäg ned emol uf New York goh?"
Oh, ech wönscht scho jetzt, ech hätti das huere BWL studiert
ech gseh mini Familie scho i de Zuekonft stoh
Die stönd ganz enttüscht a de Maggia
ond säged "Papi, hör uf staue - mer wend öppis tüürers ha!"
|
||||
2. |
Dröcked 175
03:01
|
|||
|
Dröcked 175 för d'Tomate im Coop
Dröcked 39 im Denner för Salot
Dröcked 5 för de Lauch wenn ehr i de Migros send
Dröcked emmer nome s'eis, wenn ehr s'Chläbi för d'Banane wend
und 41-2-8 för das Garagetor
Dröcked "Pfil nach rächts", spueled d'Kassette no chli vor
ond dröcked 85 wenn ehr scho mol imne Tower send
ond dröcked "via Olten", wenn ehr via Olten wend
Aber dröcked üch au us, wenn ehr einisch truurig send
Wenn ehr vor üch sälber zuegäh mönd: Ech han grad de Blues
denn dröcked üch us
Dröcked 1-2-3-4, wenn ehr ufs wc mönd
Aber im Starbucks am HB Zöri grad nüt chaufe wend
Dröcked met em Mettelfenger s'höche C
nämed no zwöi Fenger meh ond speled en Akkord, juhee
Dröcked leik leik leik ond leiked jede Scheiss
Dröcked zwöi Minute, mached d'Pasta nomol heiss
Dröcked Alt-F-4 wenn ehr Fenschter schliesse wend
Oder Bluemechohl ond Q wenn ehr kä Windows hend
Aber dröcked üch au us, wenn ehr em Grond gnoh hässig send,
Wenn eh scho alli froged: Wetsch öppis säge - gsehsch so us.
denn dröcked üch us
Dröcked 5 ond 0 vor em Date am Bankomat
Oder 150 wenn das i üches budget goht mag
Dröcked nor 40 Grad ond spared Energie
oder emmer 60 ond Tömbler ond lönds met em Spare sii
Dröcked 1-1-8 oder speled met em Füür
Dröcked minus 2 ond denn zahled d'Parkgebühr
Dröcked 4 mol druf, well denn nämlech d'Ample schneller grüen
Dröcked L ond G ond tipped üche Name ie
Aber dröcked üch au us, wenn ehr in Liebi send
Wenn üch öpper vorchond wie ne tüüre Bluemestruuss
denn dröcked üch us
|
||||
3. |
Ehe zu viert
03:48
|
|||
|
Die liebi Muslima und de hilfsbereiti Chrischt
und die wältoffni Jüdin sind verliebt in Buddhischt
und dä isch, dä isch sälber au i di andere drüü verliebt
Fatosh, Tom, Hue und Sara mached Ehe zu viert
Fatosh, Tom, Hue und Sara schissed uf s’Normale
und sie liebed im Vieregg und de Diagonale
En bisexuelli, polyamourösi
Viereggsbeziehig, das, das chan e so schön si
Ehe zu viert, Ehe zu viert
es chan goh und es passiert
Ehe zu viert, Ehe zu viert
jede führt und jede liebt
Fatosh he’d de Cousin bsuecht, dä isch sehr konservativ
und sie isch froh gis wo de Tom sie geholt her för uf Tel Aviv
wo d’Sara und de Hue echo gwartet hend am Airport und denn alli
vier Woche in Strandurlaub is Doppel-Doppelbett uf Bali
Sie läbed för d’Liebi, sie hend nie öppis z’verzolle
trotzdem her immer mindischtens öpper länger i de Passkontrolle
S’isch amig müehsam, ned liecht und natürlich isch au Ifersocht es Thema
aber alles Lieber als Liebeschommer als Problem ha
Ehe zu viert, Ehe zu viert
es chan goh und es passiert
Ehe zu viert, Ehe zu viert
jede führt und jede liebt
Fatosh, Tom, Hue und Sara mönd sehr vill diskutiere
well söscht chönd jo Beziehige au gar ned funktioniere
aber sie, sie mönd au vell Diskussion erträge, dasss mer sie chli respektiert
well was sie mached d'Fantasie vo vellne öberstrapaziert
Wenn sie eso dör d’Strosse gönd Hand in Hand in Hand in Hand
verdreiht das allne d’Chöpf ond veli tätsched i ne Wand
Es Paar hoch zwöi, es Viererteam, en Liebi im Quadrat
konfrontier ned wenigi mit ihrem eigete Spagat
Ehe zu viert, Ehe zu viert
es chan goh und es passiert
Ehe zu viert, Ehe zu viert
jede führt und jede liebt
Grüen, Gäl, Blau, Rot, e so
stönd d’Zahnbörschtli im Bächer öberem Lavabo
Ehe zu viert, Ehe zu viert
es chan goh und es passiert
Ehe zu viert, Ehe zu viert
jede führt und jede liebt
jede führt und jede liebt
jede führt und jede liebt
|
||||
4. |
||||
|
D'Wält isch gross und d'Ziit isch knapp
Nimm mer bitte d'Gedanken ab
well do isch alles so gross und üsi Ziit isch so knapp
Nimm mer bitte d'Gedanken ab
Vergangeheit – legg sie is Grab
Nimm mer bitte d'Gedanken ab
Will nor do und nor jetzt findet je öppis stat
Nimm mer bitte d'Gedanken ab
D’Zuekunft wird a Träum nie satt
Nimm mer bitte d'Gedanken ab
sie zieht und sie zieht und s’Hirni wird schlapp
Nimm mer bitte d'Gedanken ab
Weisi Wort, chomm weih sie fort
D'Ziit isch de Wind und ech be de Ort
und alles andere isch Papperlapapp
Nimm mer bitte d'Gedanken ab
|
||||
If you like Daniel Korber, you may also like:
The Woman You Want
by Eliza Shaddad
Haddad returns with cinematic soundscapes that include introspective folk, post-grunge, and indie-pop influences.
go to album
"Dream Within a Dream" b/w "Red Lava"
by tristen
Nashville’s tristen offers two sizzling slices of country-infused rock & roll, full of spirit and fire.
go to album
Nobody's Watching
by Steady Holiday
What began as a concept album about two crooks became a meditation on greed and evil.
go to album
An EP recorded in response to the US election finds Dre Babinski further developing the haunting ballads of 2016's "Under the Influence."
go to album
Under the Influence
by Steady Holiday
Dre Babinski makes lush, irresistible dream-pop - a perfect swirling summer soundtrack.
go to album
Berlin based songwriter Oliver Burghardt tempers avant-garde absurdities with charming anti-folk on his latest as Pink Lint.
go to album
The L.A. guitar-pop songwriter champions the power of waiting.
go to album
